ANG bongga pala nina Ejay Falcon at Lauren Young! Sila kasi ang napili sa dami ng mga Filipino actors para gumanap sa isang episode ng bagong Korean drama na Where Stars Land.
Nasa South Korea na ngayon ang dalawa para sa shooting ng nasabing project. Sina Ejay at Lauren ang kauna-unahang Pinoy talents na mapapanood sa isang Korean drama na ipalalabas sa isa sa major network sa SK, ang SBS.
Balitang episodic ang style ng Where Stars Land at para sa episode nina Ejay at Lauren, gagampanan nila ang mga Filipino characters na mapapadpad sa Incheon.
Sa kanilang Instagram accounts parehong nag-post sina Lauren at Ejay na kasalukuyan silang nasa South Korea pero hindi nila nabanggit kung ano ang pakay nila roon. Caption ni Lauren sa kanyang IG post, “Peace out MNL. Heading to Korea with @piamagalona to become a KPOP Superstar. Treat ourselves to yummy food, their culture and roam around this beautiful country for a week! Any recommendations or what to do and where to go?”
Dagdag pa ni Lauren ng, “Currently in Incheon, Korea to shoot as a guest star for a Korean TV Show! Today is my first taping day!”
Ito naman ang mensahe ni Ejay from Korea, “Opportunity Unlocked! #grateful #falconincheon.”
Ayon sa ulat, mapapanood na Where Stars Land simula sa Oct. 1 pero hindi pa sigurado kung kailan ieere ang episode nina Lauren at Ejay.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.