AlDub fans may 1 request kay Maine sakaling mag-guest sa mga ABS-CBN show
NAPA-AYYY! si Maine Mendoza nang i-welcome siya ni Mario Dumaual ng TV Patrol sa Kapamilya Network.
Nagkaroon kasi roon ng pictorial si Meng kasama sina Coco Martin at Vic Sotto para sa festival movie nilang “Jak Em Popoy.”
Sa Twitter video ni Mario, nasa dressing room sila ni Meng at winelkam niya ang Phenomenal Star.
Nagpasalamat ang TV Patrol entertainment news reporter kay Meng sa pagpapaunlak sa interview.
Sa nasabing festival movie, nagsanib-puwersa ang mga Kapamilya at Kapuso stars.
“Hello po sa mga sumusuporta sa amin. Abangan po ninyo ang Jak Em Popoy,” sambit ni Maine.
Umaasa naman ang fans ni Meng na mapapanood din siya sa ilang Channel 2 shows kapag nagsimula na ang promotions ng movie nila ni Bossing Vic at Coco.
Eh, sa APT Entertainment naman nakakontrata ang Dubsmash Queen at hindi sa GMA Network kaya hindi malayong mangyari ‘yon.
Pero may request sana lang ang fans nila ni Alden Richards, sana raw hindi siya pumayag pag inimbita ni Coco na mag-guest sa serye nito para sa promo ng movie.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.