Jackpot sa Ultra Lotto posibleng umabot sa P370M
POSIBLENG umabot na sa P370 milyon ang jackpot sa Ultra Lotto 6/57 sa bola nito bukas.
Ito’y wala pa ring tumama sa P363.9 milyong jackpot prize ng Ultra Lotto 6/58 sa bola Linggo ng gabi.
Hindi natayaan ang winning number combination na 01-13-42-24-53-56, ayon sa Philippine Charity Sweepstakes Office.
Bukas ng gabi (Martes) ay maaaring umabot sa P370 milyon ang jackpot prize.
Nanalo naman ng tig-P154,200 ang 15 mananaya na nakakuha ng limang lumabas na numero. Tig-P2,670 naman ang 692 mananaya na nakakuha ng apat na numero.
Nanalo naman ng tig-P20 ang 18,991 mananaya na nakakuha ng tatlong na numero.
Binobola ang Ultra Lotto tuwing Martes, Biyernes at Linggo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.