Mavy matagal nang gustong mag- showbiz; Cassy super idol si Julie Anne
NGAYON pa lang ay excited na ang fans and supporters ng kambal na sina Mavy at Cassy Legaspi sa mga gagawin nilang proyekto sa GMA 7.
Pumirma na nga kamakailan ang dalawang anak nina Zoren Legaspi at Carmina Villaroel ng management contract sa Kapuso Network kaya very soon ay magiging visible na ang mga ito sa mga programa ng Siyete.
Present sa contract signing ng Legapi twins sina GMA Senior Vice President for Entertainment Group Lilybeth Rasonable, Senior Assistant Vice President for Alternative Productions Gigi Santiago-Lara, Assistant Vice President for Talent Imaging and Marketing Simoun Ferrer at Senior Talent Manager Vic del Rosario. Siyempre nandu’n din sina Carmina at Zoren.
Asahan na raw ang pag-level up ng kambal ngayong certified Kapuso na sila. Ayon kay Mavy, bata pa lang ay talagang gusto na niyang mag-showbiz
“Growing up kasi, Cassy didn’t actually see it. It has always been me. I want to do it, try it, enter showbiz but right now maybe Cassy sees the joy in it. It’s really fun especially here in GMA. They welcomed us with open arms and that’s what I really like about it,” sey ni Mavy.
Inamin naman ni Cassy na isang Kapuso singer-actress ang iniidolo niya at nagsilbing inspirasyon sa pagpasok niya sa showbiz, “I actually look up to Julie Anne San Jose. I’ve looked up to her since before, because she’s very talented.
“She’s so good at singing and she’s all-around. I love her so much.I’m thinking of leaning towards singing as well that’s why I look up to Julie,” ani Cassy.
“Ganito pala yung feeling kapag behind the camera tapos yung mga anak mo lang yung nandoon. I’m very happy and I’m really proud of them,” pahayag naman ni Carmina.
Para naman kay Zoren, “Ako, may lungkot kasi pag naging busy sila, busy ka, busy ako, hindi na tayo magkikita. Yun yung fear ko, hindi kami magkikita-kita.”
Bago pa pumirma ng exclusive contract ang kambal sa GMA, sumailalim na sina Mavy at Cassy sa mga acting workshops and very soon mapapanood na sila sa iba’t ibang programa ng GMA.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.