Erich tinawag na ‘user’ ng hater, kris agad rumesbak

MATAPANG na binuweltahan ni Kris Aquino ang isang basher na tumawag kay Erich Gonzales ng “user” o manggagamit.

Nagsimula ang pamba-bash kay Erich nang mag-post si Kris sa Instagram ng litrato ng aktres kasama ang kanyang dalawang anak na sina Joshua at Bimby. Kuha ito nang bumisita si Erich kay Josh na naka-confine ngayon sa ospital.

Caption ni Kris sa photo, “Our gentle giant is still recovering & getting used to his medicines- but the visit of @erichgg brought sunshine on this rainy friday. #family.”

Isang IG follower ni Kris ang nagkomento na “user” daw si Erich at ginagamit lang nito si Kris para tumaas ang rating ng teleserye nito sa ABS-CBN. Ang tinutukoy ng basher ay ang teleseryeng The Blood Sisters.

Narito ang resbak ni Kris sa hater ni Erich, “This comment is uncalled for… tested ang friendship namin w/ @erichgg… kung may problema ka sa kanya, KAMI SUPER ang pagmamahal sa kanya. Hindi biro ang effort nya—ang lakas ng ulan, super traffic & yet dumating sya.”

Ilang beses nang sinabi ng Queen of Social Media at Online World na parang tunay na kapatid na ang turing niya kay Erich dahil subok na nito ang pagiging sincere at totoo sa kanilang pagkakaibigan.

Samantala, na-touch naman si Kris sa artcard na ipinadala sa kanya ng isang kaibigan. Makikita rito ang picture ni Joshua na naka-Superman costume. Sa caption, ibinalita ni Kris na benign ang lahat ng resulta ng biopsy na ginawa sa kanyang panganay na anak.

Mensahe ni Kris, “A true friend had this artcard made & sent it to me… preliminary findings from dr. Sandra & dr. @ayenuguid – biopsies are CLEAR. All were benign… maraming salamat po sa prayers & pagmamahal for our gentle giant, kuya josh…

“2 Corinthians 12:NIV [9]. But he said to me, ‘My grace is sufficient for you, for my power is made perfect in weakness.’ Therefore I will boast all the more gladly about my weaknesses, so that Christ’s power may rest on me. [10] That is why, for Christ’s sake, I delight in weaknesses, in insults, in hardships, in persecutions, in difficulties. For when I am weak, then I am strong.”

q q q

Sinagot din ni Kris Aquino ang isang netizen na nagtanong kung nagpakita na ba ng suporta sina Melai Cantiveros at Karla Estrada sa pelikula niyange “I Love You, Hater.”

“I’m just wondering kung saan sila Melai at Karla E, na pinasikat mo somehow during KrisTV days, (nasaan) ‘tong mga taong ito?” pang-uusisa ng kanyang IG follower.

Ito naman ang tugon ni Tetay, “Si @mrandmrsfrancisco (Melai) umeffort nung may pinagdaanan ang kapatid ko and hindi binigyan ng respeto ang mga magulang ko. Kinuha kay @darla ang number ko and napaka-heartwarming ng text nya. For me – QUOTA na ‘yun sa kailangan gawin.”

Dugtong pang mensahe ni Kris para sa pamilya ni Melai, “I have always been very happy for the couple and their growing family. Walang issue at all so you are correct – wag nang gawan pa ng issue.” Hindi naman nabanggit ni Kris ang pangalan ni Karla sa kanyang sagot.