Kris umagos ang luha sa ‘I Love You, Hater’ dahil kina Ronaldo at Joshua
KRIS AQUINO
NASA Hongkong ngayon ang KCAP Team sa pangunguna ni Kris Aquino. Business trip ito para sa bagong brand partner niyang Cathay Pacific.
Pero kahit nasa ibang bansa, updated pa rin si Kris sa takbo ng pelikula nilang “I Love You, Hater” sa takilya. Pinipilahan pa rin ito hanggang ngayon sa 240 cinemas nationwide.
Nagdagdag pa kasi ang mga sinehan para sa “ILYH” nitong weekend kaya naman tuwang-tuwa si Kris at ang buong production.
Mensahe ng Queen of Online World & Social Media, “Personally I’ve learned you can only give a character LIFE if you can 1; Identify w/ her feelings & emotions either because you’ve lived them, you’ve witnessed them, or you are longing for them. And 2; If you are acting w/ superb actors like tito Ronaldo Valdez & @garciajoshuae.
“For this scene- I was blessed to have a check for both. I Love You Hater from @starcinema now showing in 240 theaters in the Philippines,” aniya pa.
Hindi naman kataka-taka na ipinalalabas ngayon ang “I Love You, Hater” sa 240 sinehan dahil nakita namin kung gaano karami ang nanood sa Gateway nitong Sabado, pati na rin sa Trinoma, Robinson’s Magnolia, SM North Edsa at The Block.
Sa Martes pa nang gabi ang balik nina Kris sa bansa at siguradong masayang-masaya siya dahil sa magandang resulta sa takilya ng “I Love You, Hater”.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.