'Buy Bust' ni Erik Matti ipalalabas din sa USA, Canada, Middle East; budget umabot sa P80M | Bandera

‘Buy Bust’ ni Erik Matti ipalalabas din sa USA, Canada, Middle East; budget umabot sa P80M

Jun Nardo |July 12,2018
facebook
share this

‘Buy Bust’ ni Erik Matti ipalalabas din sa USA, Canada, Middle East; budget umabot sa P80M

Jun Nardo - July 12, 2018 - 12:25 AM

ERIK MATTI

NAUNSYAMI man ang screening ng pelikulang “Buy Bust” sa nakaraang Cannes Film Festival dahil sa ilang teknikalidad sa kontratang pinirmahan kaugnay ng pelikula, marami namang international film festivals na sasalihan ang action-packed film.

Ayon kay direk Erik Matti, may schedules naman ng screening ang movie sa festivals sa US, Canada at Middle East. Kahapon ay lumipad siya patungong New York para dumalo sa screening ng pelikula.

Ayaw na ba niyang isali ang movie sa local film festival?

“Hindi naman nila pinipili ang movie ko eh! Ha! Ha! Ha!” pahayag ni direk Erik sa mediacon ng “Buy Bust.” “Parang napapahiya ako eh, dagdag ng premyadong direktor.

Gaano kalaki ang ginastos sa movie?

“It’s quite expensive! Nasaan ba si Vincent (del Rosario)? I don’t know if I can divulge but we started na hindi naman ganoon kalaki ang budget. But of course, lagi kaming may meeting. Over and over (budget).

“We ended up…dollars ba o pesos? Ha! Ha! Ha! We ended up around 1.6 million dollars!” tugon ng direktor.

“Kaya kailangan, pag-uwi niyo, magsulat na kayo nang maganda at nang mabawi namin ito! Ha! Ha! Ha!” hiling ni direk Erik.

Sa “Buy Bust”, nahasa nang todo ang action skills ng bidang si Anne Curtis. Talagang sa halos lahat daw yata ng eksena ay nakikipagbugbugan siya, kaya ingat-ingat na raw ang husband niyang si Erwan Heussaff, huh!

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending