Pagiging recording artist ni Maine wala nang atrasan; Mainelandia Fair tagumpay
MAINE MENDOZA
NAGPASIKLAB ang fans ni Maine Mendoza sa selebrasyon ng ikatatlong taon sa showbiz ng Phenomenal Star nang isagawa ang Mainelandia Fair 2018 last Sunday sa isang event ground sa Makati City.
Wala silang keber kung masama ang panahon at umaambun-ambon, sanib-puwersa pa rin silang dumagsa sa venue ng Mainelandia Fair mula umaga hanggang gabi, huh!
Iba’t ibang events ang naganap sa anniversary celebration ni Maine gaya ng costume contest, film showing ng “Meet Me At St. Gallen” at may pa-concert pa.
Siyempre, hindi lang kasiyahan sa mga dumayo ang hatid ng fans ni Meng dahil meron ding fund raising sa pamamagitan ng pagbebenta ng well-loved items ng kanilang idolo. Hindi lang kasi pang-showbiz ang rason ng unity ng fans ni Maine kungdi may adbokasiya rin siyang makatulong sa mga nangangailan.
Of course, present si Maine sa event na abot-langit ang pasasalamat sa kanyang mga fans na naging bahagi ng kanyang 3rd anniversary celebration.
Samantala, inilabas na rin ang picture ng pormal na pagpirma ni Maine ng record deal sa Universal Records PH kasama ang executives ng company na si Kathleen Dy-Go at producer ng album niyang si Ito Rapadas.
Naghahanda na rin ang AlDub Nation sa anniversary nina Maine at Alden Richards bilang loveteam.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.