BUKOD sa sandamkamak na taong infected na ng killer virus sa Kapuso primetime series na The Cure, mas affected ngayon ang viewers sa masalimuot na love story ng mga bida sa kuwento.
Pinag-uusapan ngayon ng mga manonood ang nakakalokang “pag-iibigan” at “agawan” sa pagitan nina Jennylyn Mercado, Tom Rodriguez, Mark Herras at LJ Reyes bilang sina Charity, Greg, Darius at Katrina.
Status “it’s complicated” na kasi ang peg ng love story nila ngayon lalo pa’t nahuhulog na ang loob ni Darius kay Charity, ito’y sa pag-aakalang patay na ang asawa nitong si Greg.
Ito namang si Katrina, ginagawa ang lahat para maitago kay Greg ang katotohanang buhay pa si Charity. Pero hanggang kailan niya maililihim ang katotohanan?
Kung pinaghihinalaang nahanap na ni Elizabeth (Jaclyn Jose) ang cure sa patuloy na kumakalat na infection sa kanilang paligid, mahanap din kaya ng apat ang solusyon sa kumplikado nilang sitwasyon? ‘Yan at ang iba pang pasabog na eksena ang dapat abangan sa pagpapatuloy ng The Cure gabi-gabi sa GMA Telebabad.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.