Pumatay sa prosecutor ng Ombudsman naaresto na
NAARESTO ng pulisya ang sumaksak at nakapatay sa limang buwang buntis na prosecutor ng Ombudsman sa Quezon City.
Katatapos lamang umanong bumatak ni Angelo Avenido ng maaresto ng mga pulis sa Brgy. Culiat. Siya ay nagpositibo sa drug test.
Si Avenido ang itinuturong pumatay kay assistant special prosecutor Madonna Joy Tanyag na nanlaban umano ng kanyang holdapin. Nasa loob na ng sasakyan ang biktima ng pagsasaksakin ng suspek.
Nakuha sa pouch ng suspek ang mga ID ng biktima.
Galing ang biktima sa isang bilihan ng milk tea sa Visayas Ave., Brgy. Vasra at pabalik na sana sa opisina ng maganap ang insidente.
Nakuhanan ng CCTV ang pangyayari kaya madaling nakilala ang suspek.
Nabatid na ang suspek ay dati ng nasangkot sa pananaksak sa General Santos City. Bumalik siya sa Maynila noong Marso 30.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.