Kris laging nakaapak sa lupa dahil sa mga paalala ni Bimby

NAPAKARAMING natututunan nina Joshua Garcia at Julia Barretto kay Kris Aquino tungkol sa buhay-buhay.

Very obvious ang closeness ng tatlong bida ng bagong Star Cinema movie na “I Love You Hater” sa mga nakita naming litrato na kuha sa nakaraan nilang promo shoot. Kitang-kita na love na love talaga ni Tetay ang JoshLia.

At dahil nga natutuwa siya sa kasipagan at pagiging sincere ng magka-loveteam nangako si Kris na sagot na niya ang plane ticket ng mga ito sa pagpunta nila sa New York kapag nag-hit sa takilya ang kanilang pelikula.

“They told me na they have a bucket list together…pupunta sila ng New York kasi dream talaga daw nila ‘yun. So sinabi ko ‘yung New York na ‘yan basta mag-hit tayo, sagot ko na si New York,” chika ng Queen of Social Media na ikinagulat naman ng magdyowa.

Samantala, puro papuri rin ang ibinigay ng JoshLia kay Kris makalipas ang ilang araw nilang pagsu-shooting ng “I Love You Hater”.

Sey ni Julia, “I got excited, and of course it’s so nice to be able to work with people who genuinely care about your dreams and your well-being. It’s an honor to have been able to work with Tita Kris.”

“Top one is ‘yung about sa social media. At natutunan ko rin sa kanya na hanggang nandito ka talagang ibuhos mo lahat,” sey naman ni Joshua.

Ayon naman kay Tetay, saludo siya sa working attitude ng kanyang mga co-stars sa movie. Grabe raw ang dedication ng mga ito sa kanilang trabaho, “Kasi ‘di ba in life you have always something to look forward to, so ‘yun ang sinasabi ko sa kanila na dapat ma-excite pa kayo.”

Samantala, maraming nag-comment and nag-like sa Instagram photo ni Kris kung saan kasama niya ang dalawang anak na sina Joshua at Bimby. Kuha ito sa isang simbahan.

Caption ni Kris sa nasabing photo: “I finished my shoot early. i’ve always believed that when prayers are answered, we must make the effort to attend Mass & express our thanksgiving… @jacksalvador took this pic right after Mass.

“I was saying while writing my post, ‘you guys are so tall & i’m really so short.’ Bimb said: ‘Mom, everyone knows.’ Ngayon alam nyo na po- my feet are firmly planted on the ground because my bunso says it like it is. #authenticity #family #nofilters #lovelovelove!”