Sharon hindi tinapos ang concert ni Bruno Mars

BRUNO MARS SHARON CUNETA AT GONG YOO

HINDI na tinapos ni Megastar Sharon Cuneta ang pinag-uusapan pa ring “24K Magic World Tour” concert ni Bruno Mars nitong nakaraang Huwebes sa MOA Arena.

At bago pa bigyan ng malisya at pagmulan ng intriga, agad nagpaliwanag si Sharon kung bakit umalis siya agad sa venue kahit nagpe-perform pa ang award-winning international singer.

Sa kanyang Facebook account, sinabi ni Mega na kinailangan na niyang umalis dahil sa mga anak niyang sina Miel at Miguel.

Narito ang kabuuan ng FB status ni Sharon: “I had to leave the Bruno Mars concert early with Gugie and Yellie but left Kakie and her friends and even our Yayas and Peachy, Penny and Beyoncé Jeff Aromin with my son (nephew) Daniel to finish the show kasi I want them to enjoy naman! Yellie’s a bit sick, Gugie couldn’t stand the loud fireworks (I think it’s better Mama if we watch Bruno on your laptop while we’re eating! Oo nga naman hahaha!).

“And me – well – I’m Mama! I go where my littlest ones go even if I LOOOOVE BRUNO! (Ibang usapan pag si Gong Yoo ang nasa concert. Walang sasama sa akin na anak ko. Makikipagsuntukan ako pag di ako pinalapit sa stage kasi aakyat ako tapos sama na ako sa Korea!!! Hahaha! Naisingit din!),” pagbibiro pa ng asawa ni Kiko Pangilinan.

Si Gong Yoo ay sikat na Korean actor na bumida sa super hit na K-Drama na Goblin na crush na crush ni Mega.

Pinuri naman ni Sharon ang performance ni Bruno Mars, “Galing ni Bruno kahit na he is a bit paos tonight. Left during song #3 or 4 pa lang but it’s okay. Kakatuwa also – small kuwento – Bruno’s bodyguard who flew in from the U.S. 3 days ago daw was my bodyguard in one of my U.S. shows. He’s Fil-Am. Proud ako siempre! Hahaha!”