Aaron Villaflor handa nang maghubo’t hubad: This is it!

AARON VILLAFLOR

SA unang pagkakataon ay nagkaroon ng pelikula ang aktor na si Arron Villaflor na kabilang sa official finalists ng CineFilipino Film Festival na pinamahalaan ng Cignal TV at Unitel Productions.

Kasama siya sa pelikulang “Mata Tapang” with Edgar Allan Guzman and Ritz Azul, sa direksyon ni Rod Marmol.

“Very exciting for me na makasali sa CineFilipino kasi first time ko. Maganda rin ‘yung role and ‘yung story kaya ko tinanggap. Sana sa next project nila or festival, makasali uli ako,” bungad ni Arron.

Best friend siya ni Edgar Allan sa movie at may lihim na pagmamahal sa misis nito played by Ritz Azul.

“Bida-kontrabida ako rito. I love doing this character. Gusto ko kasi iba-iba rin ang mga ginagawa ko.

The timing is right. This is an opportunity for me,” pahayag niya.

Kasabay nito ay pinagaganda na rin ni Arron ang kanyang katawan. May pa-abs na rin siya ngayon, huh!

“Looking for new character, new projects. Tsaka napansin din nila na, ‘Arron, it’s time na. Huwag mo nang patagalin pa kasi parang everyone is coming in.’ So, sabi ko, sige, para mabago naman.”

Willing daw siya na ipakita whatever side of his body, “Kung saan gusto nila. Kasi, I’m turning 28 na rin. You haven’t seen me, you know, for something special. So, this time, I let myself to see them.

Papakita ko sa kanila na, ‘Uy, si Arron, kaya rin pala niya.”

Bukod dito, kasama rin siya sa period film na “Heneral Luna” at sa movie ni Cavite Vice-Governor Jolo Revilla na “72 Hours” directed by Dondon Santos.

Inamin naman ni Arron sa amin that she’s dating ang Kapamilya talent, si Jane de Leon. Ilang buwan na raw silang nagdi-date.