Mommy D niregaluhan ng kotse at branded bag nina Pacman at Jinkee
BONGGA talagang daughter-in-law si Jinkee Pacquiao, no! Binigyan lang naman kasi niya ng sosyal na advance birthday gift si Mommy Dionesia.
Turning 69 na ang nanay ni Sen. Manny Pacquiao sa May 15. At ang paandar ni Jinkee – dinala niya ito sa Louis Vuitton shop sa Greenbelt recently.
At bukod daw sa mga branded na bag, may brand new car din daw na regalo sina Jinkee at Pacman para kay Mommy D na naghihintay na sa General Santos City. Bongga si Jinkee, di ba?
q q q
Kung medyo sumablay ang panggagaya ni Solenn Heussaff kay Paolo Ballesteros, as expected tagumpay naman ang TV host-comedian sa kanyang latest make-up transformation bilang si Gasolenn Heussaff!
Naunang inilabas ni Solenn ang panggagaya niya sa kanyang leading man sa pelikulang “My 2 Mommies” pero aminado ang Kapuso sexy actress na hindi niya masyadong nakuha ang itsura ni Pao. Kaya mas lalo pa raw siyang humanga ngayon kay Paolo.
Sa kanyang IG account ipinost ni Pao ang kanyang photo as Gasolenn Heussaff – kayo na ang humusga kung kamukha ba niya?
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.