Rocco nag-iipon para sa bonggang ‘date’ nila ng GF

OPEN na ang Kapuso star na si Rocco Nacino tungkol sa bago niyang girlfriend, ang volleyball player na si Melissa Gohing. Inamin ni Rocco na nagsimula ang kanilang relasyon noong September, 2017. But at first, itinago muna nila ito hanggang sa unti-unti na ngang lumantad na magkasama in public.

“Mutual decision namin to keep it low at first. Para sulitin ‘yung privacy kasi sabi ko naman eventually pupunta rin doon. So, sinulit namin ‘yung privacy. I think tamang timing ‘yun,” paliwanag ni Rocco sa ginanap na media conference ng “Oh, Boy! Oh, LOL!” concert.

Dating member ng De La Salle University (DLSU) Lady Spikers si Melissa at nakasama siya sa apat na championship titles. Naging Rookie of the Year siya sa UAAP Season 71 at naglalaro siya ngayon sa Creamline Cool Smashers team sa 2018 Premier Volleyball League (PVL)

Sabi ni Rocco, his ability to carry a conversation make him sexy. Kay may nagtanong sa kanya sa mediacon ng “Oh, Boy! Oh, LOL!” kung ano ang mga pinag-uusapan nila ng girlfriend niya.

“Well, sports, of course, that’s one. Working out, when we will be working out next and what to do? So, those are the things that we both enjoy. We would share to ourselves travel places na gusto naming mapuntahan,” sagot ng aktor.

Ang dream destination daw nila ni Melissa ay sa Machu Picchu, Peru. Kaya super ipon and work hard daw ang ginagawa nila ngayon.

“So, doon pumapasok ‘yung pag-motivate namin sa isa’t isa na magtrabaho nang magtrabaho para makaipon kami at makapunta kami sa Machu Pichu. Hindi biro ang gastos kapag pumunta doon ‘di ba?” sey pa niya.

Bago si Melissa ay naging nobya ni Rocco sina Lovi Poe at Sheena Halili. May isa pa raw Kapuso star na nakarelasyon si Rocco pero ‘di official.

Game na game naman si Rocco at kapwa niya Kapuso stars na sina Derrick Monasterio, Jak Roberto and Dave Bornea when asked tungkol sa kanilang masculinity sa mediacon pa rin ng kanilang “Oh Boy! Oh, LOL!” concert na gaganapin sa Music Museum on May 28.

In fairness, mukhang lahat naman sila ay meron talagang ipagmamalaki pagdating sa kanilang mga katawan. Kung abs and muscles din lang naman ang pag-uusapan, ready daw sila na ipakita ‘yun sa concert nila.

Kasama rin sa upcoming concert ng Kapuso hunk actors sina Super Tekla at Donita Nose sa direksyon ni Marvin Caldito and produced by CCC Productions.