Alvarez dapat makipag-usap sa mga lider ng Senado— Lacson
SINABI ng Sen. Panfilo Lacson na napapanahon na para makipag-usap ang mga lider ng Kamara sa mga lider ng Senado kaugnay ng charter change, sa pagsasabing naninindigan ang mga senador sa kanilang posisyon.
Iginiit ni Lacson na kokontrahin ng Senado sakaling igiit ni House Speaker Pantaleon Alvarez na dapat bumoto ng magkasama ang Senado at Mababang Kapulungan sa isang constituent assembly (con-ass) para amyendahan ang Konstitusyon.
“Pero kung titigasan nila Speaker Alvarez, na pag di kayo (Senate) sumama itutuloy namin ito (con-ass voting jointly), e talagang di sigurado. Talagang pader na kami ngayon pagdating sa ganung isyu,” giit ni Lacson.
Noon Martes, inaprubahan ng Kamara ang House Concurrent Resolution No. 9, na naglalayong mag-convene ang Kongreso sa isang con-ass. Isinusulong ni Alvarez na magkasamang bumoto ang Kongreso, na titututulan ng Senado.
Nagbanta pa si Lacson na ipapa-expel ang mga senador na dadalo sa con-ass na binubuo ng Kamara.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.