Ryza, JC nagbilad ng hubad na katawan sa Palawan

IBINILAD nina Ryza Cenon at JC Santos ang kanilang mga katawan sa una nilang pagsasama sa pelikulang “Mr. & Mrs. Cruz” mula sa panulat ng box-office writer-director na si Sigrid Andrea Bernardo ng “Kita Kita.”

Sa ilang beach sa Palawan ang setting ng pelikula kaya sa trailer nito ay may eksenang lantad ang abs ni JC at ang kaseksihan at kakinisan ni Ryza. Pinaghandaan ba nila ang mga ganoong eksena?

“Hindi po namin napaghandaan ‘yon. Pumayat kami sa Palawan dahil sa init! Si JC kasi, laging nagsu-swimming kaya nasa dagat siya palagi,” say ni Ryza.

“Napuyat kami, napagod! Saka hindi kami ni-require ni direk na magpaseksi. Gusto niya, normal kaming tao na makaka-relate din ang mga manonood” sey ni JC.

“Ganoon ‘yung katawan na hindi kailangan ang abs!” sabi naman ni Ryza.

Sa unang araw pa lang na makilala ni direk Sigrid sina Ryza at JC, agad niyang nakitaan ng chemistry ang dalawa.

“Ayoko namang maging sanhi ng paghihiwalay! Ha! Ha! Ha! Pero nakitaan ako na bagay sila, so lalo akong na-excite. Kaya nu’ng rehearsals, ‘yun talaga ang ginawa namin. Siyempre nu’ng una, off pa sila dahil hindi sila magkakilala, eh.

“Nu’ng tumagal na, natuwa ako. I am really happy na nag-work talaga ang chemistry nila. Nagdududa na nga ako, eh! Ha! Ha! Ha!” biro ni direk Sigrid.