Nasawi ang isang retiradong police general nang masunog ang kanyang bahay sa Brgy. Bel-Air, Makati City, Huwebes ng gabi.
Kinilala ng Bureau of Fire protection ang nasawi bilang si retired general Joven Gongora, sabi ni Supt. Jenny Tecson, tagapagsalita ng PNP Southern Police District.
Nagsimula ang sunog sa bahay ni Gongora malapit sa panulukan ng Jupiter Ave. at Comet st., pasado alas-10.
Umabot sa 1st alarm ang sunog alas-10:40 at 2nd alarm alas-10:52, bago naideklarang “under control” alas-11:18 at tuluyang naapula alas-11:48, ani Tecson.
Inaalam pa ang sanhi ng sunog at halaga ng pinsalang iniwan nito sa ari-arian.
Nagpadala ng tauhan ng SPD sa pinangyarihan para tumulong sa imbestigasyon, ani Tecson.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.
What's trending