Pinaikling biyahe ng LRT 1 at 2 sa bisperas ng Pasko at Bagong Taon

Leifbilly Begas - Bandera December 21, 2017 - 05:36 PM

Pinaikli ang operasyon ng Light Rail Transit Line 1 at 2 sa bisperas ng Pasko at Bagong Taon. Ang operasyon ng LRT 1 ay mula 4:30 ng umaga hanggang 8 ng gabi sa Disyembre 24. Sa Disyembre 31, ang biyahe ay mula 4:30 ng umaga hanggang 7 ng gabi. Ang regular na biyahe ng LRT 1 ay 4:30 ng umaga hanggang 9:50 ng gabi. Sa Disyembre 24, sa halip na 10 ng gabi ang huling biyahe sa galing sa Santolan station ng LRT 2 ito ay magiging 8 ng gabi. Ang tren naman galing sa Recto ay 8:30 ng gabi sa halip na 10:30 ng gabi. Sa Disyembre 31, ang huling biyahe ng LRT2 sa Santolan station ay 7 ng gabi sa halip na 10 ng gabi. Ang galing naman ng Recto station ay 7:30 ng gabi sa halip na 10:30 ng gabi.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.