Lasenggang female performer bumubula ang bibig sa pagmumura pag nalalasing

ISANG gabi ay may mga nakakita sa isang female singer na walwal-to-the-max ang drama. Wala siyang pakialam sa mundo habang toma nang toma kasama ang kanyang mga kabarkadang lalaki.

Nu’ng una ay okey lang siya, pero nu’ng magtagal-tagal na ay umariba na ang kanyang bibig na walang direksiyon ang mga pinagsasasabi, talak nang talak ang walwal nang female singer.

“Malakas pala talaga siyang uminom! E, nakikipagsabayan siya sa mga boys na kasama niya na malalakas ding magmamam! Talaga palang walwalera ang babaeng ‘yun!

“Nu’ng ngenge na siya. E. talagang wala na siyang ginagawa kundi ang magmura nang magmura, matindi siguro ang pinagdadaanan ng hitad, kasi, marami siyang gustong sugurin!

“Natural, nakikinig sa mga kuda niya ang mga nandu’n, libreng show na raw kasi ‘yun, para lang silang nanonood ng talk show habang talak naman nang talak ang hitad na singer!

“Nakakaloka ang babaeng ‘yun. Hindi na siya nahiya sa mga pinaggagagawa niya, ni hindi na nga siya makatayo nu’ng gusto niyang mag-CR! Pahapay-hapay na siyang humakbang, parang babagsak na siya, pero sige pa rin siya sa kawawalwal!” napapailing na kuwento ng aming source.

Hindi na nakapagtataka ang nakita ng mga miron, lasing o hindi naman ang female singer ay ganu’n na katindi ang kanyang dila, mahilig talaga siyang mang-away.

“Bago pa ba naman ‘yun, e, talaga namang talakera ang babaeng ‘yun at kahit sino, inaaway niya! Kahit nga mismong pamilya niya, e, binebengga ng babaeng ‘yun!

“Kahit mismong mga taong dapat niyang pasalamatan at tanawan ng utang na loob, e, kinakalaban niya, di ba, kaya hindi na bago ang magdamagan niyang pagkuda habang walwal nang walwal sa bar.

“Dahil sa kanyang ginawa, handugan natin siya ng isang magandang kanta para maging scoring habang laklak siya nang laklak, i-dedicate natin sa kanya ang piyesang Anak,” pagtatapos ng aming impormante.

Naku naman, Bradly Guevarra, Tita Nene Ulanday, Jon at Ching Bautista Silverio, may kulang pa ba sa ating clue?