Sulat mula kay Maricar ng Bagbag, Novaliches, Quezon City
Dear Sir Greenfield,
Nagta-trabaho po ako sa isang call center, kaya lang nag-resign ako kasi hindi ko kaya ang sobrang puyat. Sa ngayon ay nag-aplay ako sa isang telecommunication company, matatanggap kaya ako? At kasabay nito nag aaplay din po ako sa abroad, sa isip-isip ko kasi kung ano ang mauna, malamang yon ang calling ko? May chance po ba na makapag-abroad? Sa ngayon ako po ay 34 years old na ako at hindi pa nagkaka-BF. Sabi ng nanay ko nag-aalala siya baka daw ako tumandang dalaga, kasi may lahi po ang both side ng mother at father ko ng matandang dalaga, kaya itatanong ko na rin po kung magkaka-boyfriend ba ako at makapag-aasawa kaya ako at kailan? September 5, 1983 ang birthday ko.
Umaasa,
Maricar ng Quezon City
Solusyon/Analysis:
Palmistry:
Wag kang mag alala Maricar na baka tumandang dalaga ka habang buhay, dahil may malinaw namang nakikitang Marriage Line (arrow 1.) at magandang Heart Line (arrow 2-2 arrow 2.) sa iyong palad. Ibig sabihin siguradong magkaka-boyfriend ka hanggang sa tuluyang makapag-aasawa at malaki rin ang posibilidad na sa iyong pag-aasawa, uunlad ka sa larangan ng materyal na bagay at habang buhay kang liligaya.
Cartomancy:
Ang pag-aanalisang uunlad ka at lligaya sa pag-aasawa, ay madali namang kinumpirma ng Ten of Hearts, Queen of Hearts at King of Diamonds, (Illustration 1.). Ibig sabihin, maaaring makapag-aasawa ka ng isang professional na lalaki na malaki ang suweldo, at sa iyong pag-aasawa, tulad ng nasabi na, uunlad ka na tinatayang magaganap sa taong 2019.
Itutuloy…
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.