Jackpot sa Grand Lotto 6/55 papalo sa P100 milyon
TINATAYANG aabot sa P100 milyon ang jackpot prize ng Grand Lotto 6/55 sa bola nito sa Sabado.
Ito ay matapos na hindi tamaan ang P93.5 milyong jackpot prize ng Grand Lotto sa bola noong Miyerkules kung saan lumabas ang mga numerong 47-34-31-05-24-20.
Umabot sa P32.5 milyon ang halaga ng naitaya sa naturang bola.
Labingdalawa naman ang nakakuha ng lima sa anim na numerong lumabas na nagkakahalaga ng P135,550.
Tig-P1,740 naman ang napanalunan ng 746 mananaya na naka-apat na numero. Ang 18,975 mananaya na naka-tatlong numero ay tig-P20.
Samantala, hindi rin nakuha ang P14.1 milyong jackpot prize ng Megalotto 6/45 kung saan lumabas ang mga numerong 23-37-26-25-20-40.
Tig-P50,000 naman ang 11 mananaya na nakalimang numero, tig-P1,050 naman ang 726 mananaya na nakaapat na numero at tig-P20 ang 17,317 mananaya na nakatatlong numero.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.