Louise starstruck kay Coco: Di ko alam kung bebeso ba ako o hindi!

COCO MARTIN AT LOUISE DELOS REYES

Parang answered prayer ang pagkakapasok ni Louise delos Reyes sa Ang Probinsiyano.

“I want something new. Nu’ng nabigay po sa akin ito ay sobrang saya. Hindi ko ma-explain until now kung gaano ako ka-overwhelmed,” say ni Louise.

She recalled kung paano siya sobrang na-excite nang makita niya sa set si Coco Martin.

“Nu’ng first time na nakita ko si kuya (Coco), hindi ko alam kung bebeso ba ako, magha-Hi ba ako.

Sobrang warm niya. Warm ang lahat ng tao sa Ang Probinsyano. Kung gaano kabigat ang napapanood ninyo sa TV, ganoon kami kagaan sa set.

“Sobrang ang gagagaan nila katrabaho dahil nga po sobrang batikan na ang mga artistang kasama ko. Parang ang hirap po magkamali. First day pa lang, sabi ni kuya (Coco) kapag may na-late, ‘O, kapag late ma pa-pizza.’ Ayokong ma-late talaga. Sobrang ang gandang training,” chika pa niya.

Napatunayan niya kung gaano kametikuloso si Coco sa mga eksena.

“On the spot, talagang si kuya ay nag-iisip ng tamang linya para sa iyo. Bukod sa iniisip niya ang linya niya ay iniisip rin niya ang linya namin, kung sasabihin ba ito ng character mo. Tama ba ito na ito ang sinabi mo at ito ‘yung patutunguhan. Kahit ikaw mae-excite ka every taping day,” she shared.