Promise ni Kim kay Xian, bibili raw ng maraming ticket sa bagong concert

XIAN LIM

SOBRANG miss na miss na ng loyal KimXi fans si Xian Lim dahil nga matagal-tagal na rin siyang walang regular show sa ABS-CBN.

Hindi na kasi nasundan ang huling serye ng aktor kasama ang reel/real loveteam nitong si Kim Chiu, ang The Story Of Us sa ABS-CBN.

At dahil nais nilang mapanood uli si Xian nang live, naisip ng KimXian Around The Globe, Inc. o KATG fans club na ipag-produce ang idol nila ng concert na gaganapin sa The Theatre, Solaire Resort and Casino sa Hulyo 15, Sabado na may titulong “Songs In The Key Of X”.

Ito’y mula sa direksyon ni Alco Guerrero kasama si Chino David bilang musical director. Special guests ni Xian dito sina Matteo Guidicelli, KZ Tandingan at Jona at line produced ng Cornerstone Concerts.

Ganito kamahal si Xian ng loyal supporters nila ni Kim na sila na mismo ang gagastos para magka-show ang idolo nila.

Sabi ni Xian, “Yung drive is yes na yes for them to do that para sa akin, I wanna say it’s very heartwarming.

“Nakaka-inspire lang na someone’s willing to produce, someone’s willing to help me, hindi lang ‘yung pupuntahan natin siya sa isang event. It’s more of sa career, sa gusto kong gawin,” pahayag ng binatang aktor.

Inamin ni Xian na tumayming din ang offer ng fans na ipag-produce siya ng show.

“Kumbaga, pumunta sila sa kung ano talaga ang gusto ng puso ko. Sabi nila, ‘Sige, kung ito ang gusto mo para sa birthday mo, ibibigay namin ito.

“’If the network can’t give you opportunities, if some shows don’t want to give a break, we will give you a break.’ So ‘yun pa lang, parang nakakataba lang ng puso.

“At the same time, tinatanong ko rin ang sarili ko, ‘What did I do to deserve this kind of love from everyone na sumusuporta sa akin?’ Doon, sila pumunta, e, kung saan parang mahapdi. ‘We see your worth and we’re gonna give it to you,’ yun po ang sinasabi nila, e,” pagtatapat ng rumored boyfriend ni Kim.

“As of this time, ang pasasalamat ko talaga is more of time. Kung kailangan nila ako, they want to spend time with me, nandito naman ako palagi, e. Talagang they have the freedom to visit me anytime. And there’s no walls between us.

“I don’t even like the word fan. I don’t really like that word. Kumbaga, it’s more of friends and family.

They become friends and eventually, they become family na rin. To get that support from them is talagang kakaiba. For years, they’ve been there for years, na sinasalo nila ako whenever I feel down.

Talagang I’m just so grateful. No amount of gifts can replace those,” pahayag ni Xian.

At dahil hindi kasama si Kim sa concert ni Xian ay nangako naman daw ang dalaga na manonood at bibili talaga ng tickets.

“Kim will be watching the concert. Last year po kasi, she was part of the concert. This year, I just wanted to give everyone something different.

“But she will be there. Sabi naman niya, bibili siya ng maraming tickets. Kim promised that she would be supporting me all the way,” saad pa ng Kapamilya singer-actor.