Aicelle kay Mark Zambrano: Sana siya na ang ‘forever’ ko!

UMAASA at ipinagdarasal ni Aicelle Santos na sana’y sila na nga ni GMA News reporter Mark Zambrano ang magkatuluyan.

Nag-celebrate kamakailan ang dalawa ng kanilang first anniversary, nag-out of town daw sila dahil parehong maluwag ang kanilang schedule. Kuwento ni Aicelle sa nakaraang presscon ng Impostora, “Gusto lang namin ‘yung tahimik at ‘yung may time kaming magkuwentuhan. Happy ang feeling kasi kasama mo ang taong mahal mo, di ba?”

Makakasama si Aicelle sa seryeng Impostora kung saan gaganap siyang kaibigan ng chakang karakter ni Kris Bernal.

Ayon kay Aicelle, wala naman daw makapagsasabi kung talagang sila na ang magkakatuluyan sa ending, pero aniya, “Sana nga kami na. Lahat naman tayo, di ba, naghahanap ng tao na para sa atin talaga? Ako, pinagdarasal ko itong relasyon naming dalawa.

“Sinabi ko sa kanya, let’s make this relationship work dahil mas maganda na siya na ang huling lalaking mamahalin ko,” sey ni Aicelle.

Napag-uusapan na nila ang kasal pero hindi pa ito mangyayari very soon. Kailangan daw muna nilang paghandaan ang kanilang future.