Dyowa na ba ni Bea Binene si Derrick Monasterio? ‘Wititit!’

SISIW lang kay Bea Binene ang paggamit ng harness sa taping ng Mulawin vs Ravena. Kung ilan sa cast ay hirap na naka-harness sa taping, enjoy na enjoy naman ang Kapuso Teen Royalty.

Boyish-boyish kasi ang dating niya kahit na nga medyo sexy ang costume sa GMA telefantasya. Pero wala pa siyang abs, huh!

“Na-traffic lang sa EDSA. Parating na po,” bulalas ni Bea sa pa-interview sa kanya ng GMA Artist Center.
Hindi ba siya tinuturuan ni Derrick (Monasterio) na magkaroon ng abs?

“Sabay kaming nagdyi-gym sa Mandaluyong, niyaya ko siya sa gym ko, ngayon siya na ang madalas doon,” chika niya.

Boyfriend na ba niya si Derrick? “Wititit!” pabaklang sagot ng Kapuso teen actress na ang ibig sabihin ay hindi.

Bakit? “Walang ligaw, boyfriend agad?” tugon ni Bea.

Bakit sabi niya nanliligaw siya? “Sabi niya? Eh di sige, nanliligaw siya! Ha! Ha! Ha!” rason niya.

Matagal na siyang pangarap ni Derrick, huh! “Ay, opo naman! Ha! Ha! Ha!” reaksyon ni Bea.

Anyway, ayon kay Bea, sa week three ng MVR lalabas ang character niya bilang si Anya.

Komo pinag-usapan ang husay ng child actress sa unang week ng telefantasya, dama rin ni Bea ang pressure kaya kailangan galingan din niya ang performance niya.