Inaasahang aabot sa P236 milyon ang jackpot prize ng Ultra Lotto 6/58 sa bola nito bukas gabi.
Ayon kay Alexander Balutan, general manager ng Philippine Charity Sweepstakes Office, walang tumaya sa winning number combination na 16-02-10-09-54-35.
Umabot sa P229.9 milyon ang jackpot prize sa huling bola at umabot sa P36.6 milyon ang halaga ng itinaya sa bolang ito.
Nanalo naman ng tig-P229,370 ang walong mananaya na nakalimang numero.
Tig-P1,470 naman ang 994 mananaya na nakaapat na numero at balik ang P20 ng 24,345 mananaya na nakatatlong numero.
Ang Ultra Lotto ay binobola tuwing Martes, Biyernes at Linggo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.