Pilipinas host ng 2017 SEABA Championship sa Mayo
SA Mayo na nakatakdang sumipa imbes na Abril ang 2017 SEABA Championship na iho-host ng Pilipinas na siyang paboritong magwagi ng titulo.
Ito ang inanunsyo Sabado ng businessman at masugid na taga-suporta ng Gilas Pilipinas na si Manny V. Pangilinan sa kanyang Twitter account.
“It’s final. #LabanPilipinas and Gilas time again! SEABA in Manila, May 12-18 at Araneta. Led by Smart, TV5, and Meralco. #PUSO,” saad ni Pangilinan sa kanyang account na @iamMVP.
Gaganapin ang nasabing regional tournament sa Mayo 12-18 sa Smart Araneta Coliseum na magsisilbing qualifier para sa 2017 Fiba Asia Cup.
Kasalukuyang binubuo ang Gilas Pilipinas ng 24-man pool mula sa PBA kung saan 12 dito ay Gilas cadets at mga rookies bukod pa sa mainstays na sina three-time PBA MVP June Mar Fajardo at Asia’s best point guard Jayson Castro na magbabalik tour of duty matapos magretiro sa pambansang koponan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.