Star Hotshots tinambakan ang Phoenix Fuel Masters

Mga Laro Ngayon
(Araneta Coliseum)
4:30 p.m. Mahindra vs San Miguel Beer
6:45 p.m. GlobalPort vs Barangay Ginebra
Team Standings: Rain or Shine (3-1); San Miguel Beer (2-1); GlobalPort (2-1); Meralco (2-1); Phoenix Petroleum (2-2); TNT KaTropa (2-2);  Blackwater (2-2); Star (2-2); Barangay Ginebra (1-1); Alaska (1-2); NLEX (1-2); Mahindra (0-3)

MAAGANG rumagasa ang Star Hotshots tungo sa pagdurog sa Phoenix Fuel Masters, 123-79, at paghablot ng ikalawang sunod na panalo sa kanilang 2016-17 PBA Philippine Cup game kahapon sa Mall of Asia Arena, Pasay City.

Ang panalo ay nagbigay sa Star ng 2-2 kartada at nakasalo sa ikatlong puwesto ang Phoenix, TNT KaTropa Texters at Blackwater Elite.

Pinangunahan nina Paul Lee at Allein Maliksi ang Hotshots sa ginawang tig-18 puntos.

Samantala, ikalawang sunod na panalo at makisalo sa liderato ang asam ng San Miguel Beermen sa pagsagupa sa Mahindra Floodbuster ngayon sa Smart Araneta Coliseum sa Cubao, Quezon City.

Sasagupain ng defending champion Beermen (2-1) ang tanging hindi pa nakakalasap ng panalo na Floodbuster (0-3) sa unang laro alas-4:30 ng hapon habang haharapin ng Governors’ Cup titlist Barangay Ginebra Kings (1-1) ang GlobalPort Batang Pier (2-1) sa alas-6:45 ng gabi na ikalawang laro.

Huling ibinunton ng Barangay Ginebra ang ngitngit sa Commissioner’s Cup champion Rain or Shine Elasto Painters, 81-74, matapos na agad nakalasap ng kabiguan nang mapuslitan ng TNT KaTropa, 103-108.

Sinabi naman ni Gin Kings coach Tim Cone na hindi pa nakukuha ng koponan ang tiyempo at wala pa sa kundisyon ang kanyang mga manlalaro.

“We’re still looking for our game this early in the conference. We have yet to catch a rhythm, and we’re hoping we can start to step it up as we go up against Global,” sabi ni Cone patungkol kina Japeth Aguilar, Scottie Thompson, LA Tenorio, Mark Caguioa at Jayjay Helterbrand.

Inaasahan na magpiilit din umahon sa kabiguan ang Batang Pier sa pagtutulungan ninaTerrence Romeo at Stanley Pringle. Sariwa pa ang Batang Pier sa kabiguan sa Alaska, 84-95, matapos na unang magwagi para sa 2-0 start sa kontra Mahindra (97-75) at Star (91-84).

“They are tough, and except, and except for the last six or so minutes of their Alaska game, they have pretty much dominated their opponents so far this conference. We certainly have our work cut out for us,” sabi pa ni Cone.

Pinatikim naman ng Beermen ng kabiguan ang Alaska Aces, 95-84, upang makabawi sa 85-92 upset loss nito sa Phoenix Petroleum matapos na turuan ng leksiyon ang Star, 96-88.

Hindi rin umubra ang Floodbuster sa Batang Pier (75-97), Elasto Painters (83-105) at Fuel Masters (104-114).