2 bata patay sa pagsabog sa pabrika ng paputok sa Bulacan
PATAY ang dalawang bata, samantalang sugatan naman ang apat na iba pa matapos ang pagsabog sa isang pabrika ng paputok sa Sta. Maria, Bulacan kaninang umaga.
Sa ulat ng DZMM, kinilala ng Bureau of Fire Protection-Bulacan ang magkapatid na nasawi matapos ang pagsabog sa AA Fireworks factory sa Pulong Buhangin, na sina Ashley Mayo, 2-anyos at 5-anyos na si Rylee Mayo.
Sugatan din ang isang empleyado ng pagbrika.
Sinabi ni Supt. Ranier Valones, Sta. Maria chief of police na nangyari ang pagsabog sa pabrika sa Sitio Bangka-bangkaan, Barangay Pulong Buhangin ganap na alas-8 ng umaga. Idineklarang naapula ang sunog ganap na alas-9 ng umaga.
Idinagdag ni Valones na inaalam pa ng pulisya ang may-ari ng tindahan.
Matatandaang isang pabrika rin ng paputok sa Bocaue noong isang buwan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.