Barangay captain, 6 pa tepok sa drug operation sa Quiapo

PITO ang nasawi, kabilang ang barangay chairnan, at mahigit 200 ang nadakip sa isinagawang “one-time big-time” police operation sa Quiapo, Maynila.
Kinilala ang nasawing barangay captain na si Faiz Macabato ng Barangay 648, Zone 67.
Umabot naman sa mahigit 200 na itinuturing na persons of interest ang dinampot ng pulisya sa operasyon sa Islamic Center Compound at sa iba pang mga lugar sa Quiapo.
Kabilang sa nasakote ang isang miyembro ng Bangsamoro Islamic Armed Forces (BIAF) na si Sambetory Macaraas Sarip, 33.
Nakuha mula kay Sarip ang kanyang ID, uniporme niya sa BIAF, at dalawang vault.
Nagtungo sa lugar si Manila Mayor Joseph Estrada para personal na tingnan ang isinagawang operasyon.
Sa dami ng mga naaresto, isinakay sila sa mga pampasaherong jeep para madala sa presinto.