Alex sa relasyon nila ni Joseph: Baka mawala ang kilig pag tinotoo namin!

HINDI kinopya ni Alex Gonzaga ang acting ng sister niyang si Toni Gonzaga sa pelikulang “My Rebound Girl”.

Yun kasi ang napansin ng members ng press na nakapanood sa premiere night ng pelikula last Tuesday sa SM Megamall Cinema 7.

“Wala. Hindi. Ang conscious effort sa akin ay husayan ang mga pinagagawa sa akin ng direktor,” katwiran ni Alex sa dinner ng cast.

Napansin din ni Alex na sa ilang eksena ay parang ang ate niya ang kanyang pinapanood sa screen.
Nagkasakit kasi siya after ng shooting sa Baguio. Nagkaroon daw siya ng phlegm kaya kailangan iresyut ang eksenang ngongo ang boses niya.

“Ang boses pala ng ate ko parang may sipon dito,” sey niya.

Sa movie nagsisigawan ang fans nila kapag naglalambingan na sila ni Joseph Marco. Bakit Di na lang nila totohanin ang pagkakaroon ng relasyon dahil bagay naman sila?

“Mas mabuti na ang ganito. Baka mawala ang kilig pag tinotoo namin,” katwiran ni Alex.

Para kasing may nararamdaman na sila para sa isa’t isa, huh! “Siya siguro!” sambit ni Alex.

Meron na bang nabuo (na feelings)? Hindi sumagot si Alex. Nagtitigan lang sila nang malagkit ng katabing si Joseph Marco.

Sa totoo lang, makikita sa movie ang very Alex Gonzaga acting pero tadtad din siya ng dramatic moments na naitawid niya nang bonggang-bongga!

Kaya naman after ng screening proud sister si Toni Gonzaga habang nakahawak sa asawang si Paul Soriano. Sumuporta rin kay Alex sina Bimby Yap, Aiza Seguerra, Liza Dino, IC Mendoza, Isabelle Daza, kanyang parents at marami pang iba.

Showing na nationwide sa 145 theaters ang “MRG” mula sa direksyon ni Emman dela Cruz.