Alden lilipad sa Encantadia bilang Mulawin
KUMPIRMADO na nga ang gagawing guest appearance ng Pambansang Bae na si Alden Richards sa telefantasyang Encantadia sa GMA Telebabad. Gagampanan ni Alden ang karakter ni Lakan, isang Mulawin na nangako ng katapatan at ipaglalaban ang mga diwata.
Ayon sa aktor, excited na siya sa kanyang special appearance dahil bata pa lang daw siya ay napapanood na niya ang unang bersyon ng Encantadia.
“Happy ako kasi actually growing up ay lumaki ako ng may Encantadia. Kaya dapat pong abangan ng mga viewers kung ano nga ba ang magiging role ko rito. This is one experience na hindi ko rin makakalimutan sa career ko,” sabi pa ni Alden.
Nauna nang lumabas si Miguel Tanfelix sa Encantadia bilang si Pagaspas, isa ring karakter noon sa Mulawin na pinagbidahan ni Richard Gutierrez.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.