Elmo, Janella ayaw lokohin ang madlang pipol

NGAYONG Lunes na magsisimula ang bagong teleserye ng Dreamscape Entertainment sa ABS-CBN na Born For You starring Elmo Magalona and Janella Salvador.

Ito’y tungkol sa destiny ng dalawang kabataang pinagtagpo ng tadhana at nagkainlaban sa Japan ngunit dadaan sa matinding mga pagsubok dahil sa kanilang mga magulang na may mga issue sa nakaraan. Sa interview kay Janella ng Tonight With Boy Abunda, natanong ang dalaga kung naniniwala ba siya talaga sa destiny. Tugon nito, “Feeling ko destiny depends on fate but it also depends on when you make a choice.”

Kasama ni Janella sa nasabing late night show ang kanyang bagong ka-loveteam na si Elmo, at dito nga sila natanong kung matatanggap ba sila ng viewers kahit na nga alam ng madlang pipol na may girlfriend na si Elmo (Janine Gutierrez). “I don’t think we have to be a couple as of now to show people that we have chemistry going for us, we believe that we have a good show at sana yun ang makita ng mga viewers,” sagot ni Elmo.

Anyway, makakasama rin nina Elmo at Janella sa Born For You na mapapanood na bukas sa Primetime Bida ng ABS-CBN sina Vina Morales, Ariel Rivera, Gina Pareño at marami pang iba. Ito’y sa direksiyon ni Onat Diaz.