Mega inirampa ang medyo payat nang katawan; hinalikan ni Binoe sa kamay

IN fairness, tuwang-tuwa ang fans nina Robin Padilla at Megastar Sharon Cuneta nang muling magkita ang dalawa sa finals night ng PGT Season5. Isa sa mga highlighs ng programa ay ang paglapit ni Binoe kay Mega pagkatapos nitong kantahin ang kanyang classic song na “Bituing Walang Ningning”.

Hinalikan pa ng aktor ang kamay ng kanyang Ma’m Sharon habang katabi ang mga hosts ng show na sina Luis Manzano at Billy Crawford kaya naman tilian talaga ang audience. Kumanta pa nga ng ilang linya sa kantang “Maging Sino Ka Man” si Robin na naging title ng pelikula nila noon. Tinawag naman ni Shawie si Binoe na “forever best friend.”

At dahil nga rito, muling nabuhay ang dugo ng kanilang mga tagasuporta at hiniling sa dalawa na sana’y magsama sila uli sa pelikula. Marami naman ang nakapansin na malaki na nga ang nabawas sa timbang ni Mega dahil hindi na siya ganu’n kalaki sa screen.