Maxene bilang anak ni Dawn: Eh di ang ganda ganda ko rin!

GANDANG-GANDA rin si Maxene Magalona kay Dawn Zulueta. Magkasama ang dalawa sa pelikulang “Love Me Tomorrow” kung saan gaganap silang mag-ina.

Ayon kay Maxene, kakaiba talaga ang beauty ni Dawn, kaya naman nakaka-proud na siya ang napiling gumanap na anak ng award-winning actress sa movie. Bukod sa napakaganda na, napakagaling din na artista ni Dawn.

“Pag action na, I said my lines and Ms. Dawn she did everything so flawless in one take and the director didn’t ask for a second take. It was good. Wow, grabe hanga talaga ako sa kanya. And pag tinitingnan mo siya, nakaka-fresh kasi ang ganda ganda niya.

“Sa loob loob ko, ‘Shucks na-cast ako as her daughter. Eh di ang ganda ganda ko rin, di ba? Ha-hahaha! Hindi, Joke lang but it was a very humbling experience,” dagdag pa ng anak ng yumaong master rapper na si Francis Magalona.

Sey pa ng dalaga, para siyang nasa acting school kapag meron silang shooting, “Oh my gosh, grabe. One of the things I won’t forget about this movie was a scene that the director talked to me and Ms. Dawn for a very emotional and very intense na scene.

“Siyempre it’s my first time working with Direk Gino (Santos) and Ms. Dawn so I was just watching. Para itong school eh. Every opportunity I get in this industry I treat it like a class, like a lesson na eto ang mga bago kong teachers, bago kong classmates,” aniya pa.