Nanay ni Cesar namatay habang kinakantahan daw ng mga anak

PUMANAW na ang nanay ng aktor na si Cesar Montano na si Mrs. Emma Manhilot sa edad na 86. Bandang ala-una ng hapon nang bawian ng buhay ang ina ni Buboy nitong Martes, May 17, dahil sa kumplikasyon sa diabetes.

Nabatid na namatay si Mrs. Manhilot habang kinakantahan siya ni Cesar at ng iba pa niyang mga anak. Ilang taon na ring may karamdaman ang ina ng aktor kaya nagdesisyon si Cesar na doon muna tumira sa bahay ng ina sa Q.C. para maalagaan ito.

Narito ang official statement ng pamilya ni Cesar sa pagpanaw ng kanyang ina: “It is with sadness that we impart the news of the death of Mrs. Emma Manhilot, mother of actor Cesar Montano, last May 17 after a long bout with diabetes and its complications.

“Born and raised in Carles, Iloilo, she was 86 at the time of her passing. She was survived by her children Josefino, Emmanuel, Maria Mercedez, Rolando, Cesar and Rommel. Wake is being held at Funeraria Paz on Araneta Ave. in Quezon City. Interment will be on May 22.”