Alvin Patrimonio vs Jerry Codiñera sa Lip Sync Battle
NGAYONG Sabado rin ng gabi, magaganap na ang pinakaaabangan, pinaka-unexpected, at pinakapasabog na face-off sa Lip Sync Battle Philippines. Maglalaban ang all-time greats ng PBA – sina Alvin Patrimonio at Jerry Codiñera!
Pareho mang mahiyain ang “Defense Minister” at “The Captain” ng PBA, pareho naman nilang isusugal ang lahat para maiuwi ang LSB Championship Belt. Siguradong hindi mo kakayanin ang gagawin ng dalawa, dahil sa Round 1 pa lang, pasabog na. Ang unang offensive move ni Alvin, isang hit song mula sa Queen of Pop. At si Jerry naman, babanat ng isang 70’s OPM hit song.
Pagdating naman sa Round 2, abangan kung sino ang may paandar na live marriage proposal onstage, at kung sino ang may ilalabas na international online sensation.
Kapit na, mga Kapuso, basketball fans, at mga mahilig sa all-out good time dahil siguradong pag-uusapan ang labanang Alvin Patrimonio at Jerry Codiñera tonight sa Lip Sync Battle Philippines hosted by Michael V and Iya Villania pagkatapos ng Pepito Manaloto sa GMA 7.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.