Patok na patok ang segment ng magkapatid na football player na sina Phil at James Younghusband sa “GO5, Happy Maging Kapatid” trade launch ng TV5 recently.
Talagang napatawa ng mag-utol ang audience dahil sa mga punchlines nila kasama ang dating basketball player at komedyanteng si Benjie Paras.
Magkakasama ang tatlo sa programang Sports5 ng AKTV ng TV5.
In fairness, nawala na ang hiya nina Phil at James, as in game na game silang nakipagbiruan kay Benjie.
Anyway, tungkol naman sa relasyon nina Phil at Angel Locsin, halatang maligayang-maligaya ang Azakals member sa piling ni Angel.
“Lagi kaming masaya, we’re happy together and enjoying each other’s company,” sabi ni Phil na mahigit isang taon na ang relasyon sa Kapamilya actress.
Ayon kay Phil, tumagal daw ang relasyon nila ni Angel dahil sa communication, “Kasi lagi kaming nagko-communicate with one another, so kung may problema ako, I’ll tell Angel.
And pag may problema siya, she would tell me. So, I think, ang importante is communication.”
At feeling naman daw ng binata, si Angel na ang babaeng pakakasalan niya, gusto niya raw si Angel na ang maging asawa niya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.