Duterte umalma, ayaw maikumpara kay Donald Trump na isang bigot
UMALMA si Davao City Mayor Rodrigo Duterte matapos siyang ikumpara sa tumatakbo rin sa pagkapangulo sa United States (US)na si Donald Trump.
“Donald Trump is a bigot, I am not,” sabi ni Duterte, na ang tinutukoy ay ang panukala ni Trump na i-ban ang mga Muslim sa US at magtayo ng padera sa kahabaan ng hangganan ng Mexico.
Nauna namang binatikos si Duterte matapos sisihin at murahin si Pope Francis dahil sa trapik na idinulot ng kanyang pagbisita sa Pilipinas noong Enero, 2015.
Nangako rin si Duterte na tatapusin ang katiwalian at krimen sa bansa sa loob lamang ng anim na buwan sakaling manalo sa pagkapangulo.
Duda naman si dating senador Panfilo Lacson na magagawa ito ni Duterte.
“No matter how good a sound bite it may sound, it will stay as such — a sound bite,” sabi ni Lacson.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.