Marissa Delgado nakatapos na ng kolehiyo sa edad na 65

Maraming nanay at lola ang na-inspire sa pagtatapos sa kolehiyo ng veteran actress na si Marissa Delgado. College degree holder na nga si Ms. Marissa sa edad na 65. Nagtapos siya ng kursong Business Administration major in Human Resource Management sa University of the Visayas sa Cebu.

Sa report ng ABS-CBN, nabatid na nag-working student ang aktres noong high school, pero bigla siyang tumigil sa kolehiyo dahil wala na silang budget. Ang ending, pumasok siya sa showbiz para makatulong sa pamilya.

Nagtuluy-tuloy na ang swerte niya sa pag-aartista hanggang hindi na nga niya naipagpatuloy ang kanyang pag-aaral. Nagdesisyong bumalik sa kolehiyo si Marissa nang magkaroon siya ng pagkakataon at talagang kinarir niya ito kaya naman abot-langit ang pasasalamat niya sa Diyos at sa kanyang pamilya dahil sa suportang ipinagkaloob ng mga ito sa kanya.