Pag-alis ni Kris sa ABS-CBN drama lang
KRIS AQUINO
SPEECHLESS naman ang buong Kris TV team sa naging desisyon ni Kris Aquino na mamaalam na sa kanyang morning show. Hindi raw nila inaasahan na bigla na lang aalis ang TV host sa nasabing programa.
Wala naman daw binabanggit sa kanila si Kris na lilisanin na nito ang showbiz base sa mga post niya na namamaalam siya at nagpapasalamat sa loob ng 20 years nitong pananatili sa ABS-CBN.
May nakausap pa nga kami na baka nag-emote lang si Kris dahil sa pagtaas-baba ng blood pressure nito at pasasaan ba’t lilipas din at back to work na ulit ang Queen of All Media.
Sa pagkakaalam namin, wala pang nakahandang programang puwedeng ipalit sa Kris TV kung sakaling hindi na mababago ang desisyon ni Kris.
Hangad din ng Kris TV staff na gumaling si Kris para sa mga anak niyang sina Josh at Bimby tulad ng sinabi niya sa kanyang Instagram posts at kung ano ang makakabuti sa kalusugan ng kanilang host ay suportado nila.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.