DADAYUHIN muli ng LBC Ronda Pilipinas na inirerepresenta ng LBC Express ang mga nakabibighaning lugar ng Mindanao sa pagsasagawa nito sa una sa tatlong yugto ng karera na dadaanan sa Butuan, Cagayan de Oro at Dahilayan, Manolo Fortich at Malaybalay sa Bukidnon simula Pebrero 20 hanggang 27.
“We at the LBC Ronda Pilipinas are excited to return to Mindanao,” sabi ni Ronda project director Moe Chulani. Ipinaliwanag ni Chulani na sa Mindanao madalas makadiskubre ng mga matitibay na siklista sa nakaraang yugto kabilang na ang Butuan City pride na si Reimon Lapaza, na hindi nakikilala bago na lamang sinorpresa ang buong komunidad ng siklista sa Pilipinas sa pagtala ng matinding panalo sa huling lap dalawang taon ang nakalipas.
“Traditionally, Mindanao has its share of strong riders like Lapaza. This year, we hope to produce more champions from the region,” sabi pa ni Chulani. Opisyal na magsisimula ang Ronda sa Pebrero 20 sa isang road race mula Butuan City at pabalik bago isagawa ang isang criterium sa nasabing lugar sa ikalawang araw.
Magtutungo ito sa Cagayan de Oro sa Pebrero 23 bago naman ang isang Individual Time Trial sa Dahilayan, Manolo Fortich sa Pebrero 25 at tatapusin sa isa pang criterium mula naman sa Malaybalay sa Pebrero 27.
Ang Visayas leg ay sisimulan ng Stage One criterium sa Bago City, Negros Occidental sa Marso 11.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.