Sunog sumiklab sa Cebu; apartment, 2 kalapit na istraktura nasunog
NASUNOG ang isang apartment at dalawang kalapit na istraktura matapos sumiklab ang sunog sa Mercado compound katapat lamang ng University of Visayas sa sitio San Jose, barangay Parian, Cebu City ganap na alas-11:30 kagabi.
Sinabi ng mga imbestigador na posibleng electrical short circuit ang pinagmulan ng sunog sa inuupahang apartment ni Sammy Labuel.
Gawa sa magagaang materyales ang apartment ni Labuel.
idinagdag ni SFO3 Daniel Relatado Jr. na batay sa pahayag ni Labuel, nakarinig siya ng pagsabog bago ang nangyaring sunog na naapula pagkatapos ng 15 minuto.
Napinsala rin ng sunog ang bahagi ng UV building.
Tinatayang umabot sa P250,000 ang halaga ng natupok sa sunog.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.