FVR inendorso si Leni Robredo bilang susunod na VP

INENDORSO ni dating pangulong Fidel V. Ramos si Camarines Sur Rep. Leni Robredo bilang susunod na bise presidente sa eleksyon sa Mayo.

Sa isang pahayag mula sa opisina ni Robredo, sinabi nito na tinaas ni Ramos ang kamay ni Robredo para sa eleksyon sa pagka-bise presidente.

Nakipagpulong si Ramos kay Robredo sa opisina ng dating presidente kung saan inendorso ang pambato ng Liberal Party para sa pagka-bise presidente.

Nangyari ang pagkikita nina Ramos at Robredo, isang araw bago ang umpisa ng kampanya ng LP sa Capiz at Iloilo bukas

“In the meeting, Ramos shared his campaign experience in 1992 and offered Robredo some advice on how to woo voters as she visits different parts of the country starting tomorrow,” sabi ng kalatas mula sa opisina ni Robredo.
Hindi naman malinaw kung iiendorso rin ni Ramos ang standard bearer ng LP na si dating Interior secretary Mar Roxas.

Nauna nang pinangaralan ni Ramos sina Roxas at Davao City Mayor Rodrigo Duterte matapos naman ang pagpapalitan nila ng maaanghang na salita.

Sinabihan pa ni Ramos ang dalawa na umakto bilang “world-class President.”