Ilang araw matapos bawiin ang kanyang certificate of candidacy sa pagkapangulo, pumanaw kahapon si OFW Family Rep. Roy Seneres Sr.
Ayon kay RJ Seneres, anak ni Seneres, namatay ang kanyang ama alas-8:07 ng umaga sa edad na 68.
Matagal ng may diabetes si Seneres na pumanaw sanhi ng cardiac-pulmonary arrest, ayon kay RJ sa isang panayam sa radyo.
Si Seneres ay ipinanganak sa Mambusao, Capiz at isang abugado. Siya ay nagtapos sa University of Santo Tomas bago kumuha ng law sa San Beda College.
Siya ay hanging ambassador to the United Arab Emirates noong panunungkulan ni Pangulong Fidel V. Ramos.
Naging chairman din siya ng National Labor Relations Commissions ilalim ng Department of Labor and Employment at naging part list congressman noong 2013.
Nagdalamhati naman ang mga taga-Kamara de Representantes sa pagpanaw ni Seneres.
Naalala pa ni Caloocan Rep. Edgar Erice ng samahan siya ni Seneres sa China town upang kumonsulta sa Chinese fortune teller.
Noong nakaraang buwan ay napansin umano ni Erice na mahina si Seneres bagamat pumapasok ito sa Kamara.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.