2 nakuryente sa pangingisda, patay
Dalawang lalaki ang patay matapos makuryente habang nanghuhuli ng isda sa isang creek sa Santa Rosa City, Laguna, kahapon, ayon sa pulisya.
Isinugod pa sa ospital sina Nolito Raza at Mark Denava, kapwa construction worker, ngunit kapwa di na umabot nnang buhay, ayon sa ulat ng Laguna provincial police.
Naganap ang insidente dakong alas-11:40 ng umaga sa creek ng Brgy. Pulong Santa Cruz.
Nangisda noon sina Raza at Denava gamit ang mga bakal na bar na may kawad na nakakabit sa live wire ng kanilang barracks, ayon sa ulat.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.