Maine nagsenti nang makita ang billboard sa Edsa

SENTI mode si Maine Mendoza alyas Yaya Dub nang makita ang napakalaking billboard nila ni Alden Richards para sa kanilang softdrink endorsement.

In fairness, wala pang limang buwan ay napakarami nang achievements ni Maine, lalo na pagdating sa paggawa ng TV commercials. Pareho sila ni Alden na nagbibilang ngayon ng endorsements dahil na rin sa kasikatan ng kanilang tambalan sa kalyeserye ng Eat Bulaga.

Ayon kay Maine noong bata pa lang siya ay talagang pinangarap na niya ang magkaroon ng sariling billboard na nabigyang katuparan na nga ngayon. Alam n’yo ba na may 10 nang endorsements si Yaya Dub?

Kaya naman sa kanyang Instagram post kamakailan, hindi napigilan ng dalaga ang maging emosyonal, lalo na nang makita niya for the first time ang giant billboard nila ni Alden. Narito ang kabuuan ng IG post ni Yaya Dub.

“I still remember saying ‘Sana talaga magkaron din ako ng billboard ko someday!’ as a kid. “Passing by tons of billboards along the expressway, I used to rest my head on the car window while gaping at those gracefully photographed celebrities/models.

“I was dreaming to see myself on one of those advertisements one day; but back then, I knew that it will NEVER EVER come to reality. (Papa’no naman kasi diba?). “Until all of these happened.. nobody knew that my ‘fantasies’ would come true. Nobody thought it was possible.

“I couldn’t help but ask my driver to stop in front of this Coca-Cola billboard (along EDSA) so I could take a photo of it, but before that, I took a couple of seconds to just stare at it.. then I found myself whispering.. ‘Eto na…eto na sya.'”