Jackpot sa Super Lotto 6/49 aabot na sa P88M
Lalapit sa P100 million mark ang jackpot prize ng Super Lotto 6/49 ng hindi ito tamaan sa bola noong Linggo.
Ayon kay Conrado Zabella, officer-in-charge sa Philippine Charity Sweepstakes Office, walang tumaya sa lumabas na number combination na 48-49-30-17-42-38 noong Linggo kung saan umabot sa P83.9 milyon ang jackpot prize.
Nanalo naman ng tig-P70,000 ang dalawang mananaya na nakakuha ng limang numero.
Tig-P1,490 naman ang 504 mananaya na nakakuha ng apat na numero at balik-taya (P20) ang 11,044 mananaya na nakatatlong numero.
Ang Super Lotto ay binobola tuwing Martes, Huwebes at Linggo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.