Nang dahil sa The Amazing Race Philippines ng TV5
Isa ang dating member ng EB Babes na si Saida Diola kasama ang kanyang kaibigang bading na si Jervi Lisaba sa mga magiging contestants sa The Amazing Race Philippines ng TV5 hosted by Derek Ramsay na magsisimula na sa Oct. 29, Monday after Wiltime Bigtime.
Kung natatandaan n’yo pa, na-link noon sina Derek at Saida, natsismis na isa ang dating EB Babes sa mga pinagselosan daw ni Angelica Panganiban nu’ng kasagsagan ng relasyon nila ni Derek.
Pero paliwanag ng Amazing Race host, wala raw malisya ang pagkakaibigan nila noon ni Saida, in fact, tinawagan pa nga raw niya ito nu’ng matsismis sila.
As in nag-sorry daw si Derek kay Saida na nadamay pa ito sa issue sa kanila ni Angelica.Anyway, ang iba pang makikipaghabulan sa The Amazing Race Philippines ay ang magkaibigang LJ Moreno at CJ Jarabata, magbayaw na Dayal Chowdary, Jr. at Fausto Reyes, gym buddies Marc Duñgo at Kat Tan, amigas Jervi Lisaba at Saida Diola, reunited friends Sheena Vera Cruz at Gee “Speedy” Canlas, mag-amang Ed at Angel Movido, magkumpareng Boom Vergara at Cheng Enriquez, football brothers Armand at Anton del Rosario, bombshells Dani Castano, bored housewives Vanessa Ishitani at Pam Spella, Mish Van Ruyven, at ang magkasintahang sina Crystel Castro at Mykey Lacson. Tumataginting na P2 million ang mapapanalunan ng winners.
Anyway, inamin naman ni Derek na medyo mahirap ding mag-host ng ganito kalaking reality game show, “Kasi noon sa Biggest Loser (ng ABS) trainer lang ako doon, si ate Shawie (Sharon Cuneta) ang host.
I was there to motivate as a game master.
Ayun, motivate and, at the same time, kailangang parusahan pa sila. But this one, it was physically taxing.
It was wake up-alis, wake up-alis. But it was exciting.
“Ako, I’m excited to go to this place, to this place, to this place.
Yun nga lang, yung oras lang na makikita namin ‘yon is yung time na pagkapasok ng last team.
Wala na kaming chance na umikot-ikot,” chika ng hunk actor.
Hirit pa nito, “Gusto ko nga sumali.
Sana hindi na lang ako yung host at isa na rin ako sa mga lumalaban.
Sabi nga nila, hindi na ako puwedeng sumali.
I already know too much about it—unless magkaroon ng Amazing Race ang hosts,” kuwento pa ni Derek.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.